Car 

ərazi  nümayəndəliyi,  rayon mərkəzindən 1 km şimalda, Böyük  Qafqaz  sıra  dağlarının  ətəklərində yerləşir. Şərq tərəfdən Tala  çayı, şimaldan  Qafqaz  dağları, qərb tərəfdən Kebeloba  kəndi, cənubdan isə  Zaqatala  şəhəri ilə həmsərhəddir. Nümayəndəlik  özündə  üç  kəndi (Car,  Zilban,  Axaxdərə)  birləşdirir.

Nümayəndəliyin ərazisi 1314 hektardir. Əhalisi  3245 (Car-2405,  Zilban-551,  Axaxdərə-289) nəfər, əsasən  avarlardir. Dini  mənsubiyyəti  müsəlman.

Nümayəndəlik,  RİHB- nın   ərazi İcra nümayəndəsi və Car Bələdiyyəsi tərəfindən   idarə  olunur.

Car kəndi 5 obadan (Kiqooba,  Laçın  taxta,  Laçın  dərə,  Cini  taxta,  Kusa  taxta) ibarətdir. Kənddə bir orta  və bir  əsas məktəb, həkim məntəqəsi,  35 yerlik uşaq baxçası, məscid binası, 3 hücrə,   Axaxdərə  kəndində 1 ibtidai  məktəb vardır.

Əhalinin  əsas məşguliyyəti  əkinçilik,   tütünçülük,  fındıqçılıq,  tərəvəzçilik,  bağçılıq və  maldarlıqdır.

     Tarixi  abidələr:  1 məscid, 3  hücrə,  “Cingözqala”  abidəsi,  2  qədim  qəbristanlıq.

 

 

Mazıx 

kəndi,  rayon  mərkəzindən  5  km  aralı,  Zaqatala – Balakən   şose  yolunun  yaxınlığında, Katex  çayının  sağ  sahilində   yerləşir.Qəbizdərə  kəndi, Qazangül  qəsəbəsi,  Katex  çayı ilə həmsərhəddir. Mazıx  ərazi  nümayəndəliyi 4 (Mazıx, Qəbizdərə, Beretbinə,  Cicixana)  kənddən  ibarətdir.

Nümayəndəliyin ərazisi 1568  hektar. Əhalisi  2003  nəfər, əksəriyyəti  avarlardır. Dini  mənsubiyyəti  müsəlman.

Nümayəndəlik  RİHB-nın  ərazi  icra  nümayəndəsi,  Mazıx (Mazıx,  Qəbizdərə  və  Cicixana  kəndləri  daxildir)  və  Beretbinə  bələdiyyələri  tərəfindən  idarə  olunur.

Mazıx  kəndində  orta  məktəb,  həkim  ambulatoriyası, klub,  poçt,  ATS,  uşaq  baxçası,  baytarlıq  dairəsi,  asfalt  zavodu, Beretbinə  kəndində   məscid,  klub,  kitabxana,  feldşer-  mama  məntəqəsi,  Qəbizdərə  kəndində  ibtidai  məktəb,  kitabxana,  feldşer-mama  məntəqəsi vardır.

Əhalinin  əsas  məşğuliyyəti  maldarlıq,  meyvəçilik,  əkinçilik,  fındıqçılıqdır.

Tarixi  abidələr:  Məscid,  Qədim  bürc,  qəbristanlıq,  Hücrə.

Yuxarı Çardaxlar 

kəndi, rayon mərkəzindən 14 km şimali-şərqdə yerləşir. Şimal  tərəfdən  Böyük  Qafqaz  sıra  dağları, cənubdan  Muxax  kəndi   ilə həmsərhəddir.

Kəndin ərazisi 1293  hektardir. Əhalisi  2141  nəfər, əsasən  avarlardir. Dini  mənsubiyyəti  müsəlman.

Kənd,  RİHB- nın   ərazi İcra nümayəndəsi və Yuxarı Çardaxlar  Bələdiyyəsi tərəfindən   idarə  olunur.

Kənddə  orta məktəb, həkim  məntəqəsi, mədəniyyət  evi,  uşaq  bağçası,  EATS,  rabitə  şöbəşi,   məscid, futbol meydançası   vardır.

Əhalinin  əsas məşguliyyəti  əkinçilik, tütünçülük, fındıqçılıq, tərəvəzçilik,  bağçılıq və  heyvandarlıqdır.

Tarixi  abidələr:  V  əsrə  aid  Pəri  qalası,  XIII  əsrə  aid  bürc,  alban  kilsəsi  qalıqları,  X1X  əsrdə  tikilmiş  məscid,  qədim  qəbristanlıq  vardır.

Maqov 

ərazi nümayəndəliyi, rayon mərkəzindən 12 km cənubda, Qara çayın   sahilində yerləşir. Maqov  ərazi  nümayəndəliyində  yeddi kənd birləşir: Maqov, Yolayrıc, Höytala, Paşan, Vöhtala, Abaəli, Fındıqlı.

Nümayəndəliyin  ərazisi  4057 hektardir. Əhalisi  4978 nəfər (Maqov-1441, Yolayrıc-1229, Höytala-671, Paşan-866, Vöhtala-220, Abaəli-25, Fındıqlı-575), əsasən  avarlardir. Dini  mənsubiyyəti  müsəlman.

Nümayəndəlik,  RİHB- nın   ərazi İcra nümayəndəsi, Maqov və  Fındıqlı Bələdiyyələri tərəfindən   idarə  olunur.

Maqov  kəndində inzibati bina, poçt və rabitə şöbəsi, orta məktəb, həkim ambulatoriyası, məscid binası, futbol meydançası vardır.

Əhalinin  əsas məşguliyyəti  əkinçilik, baramaçıiıq, tütünçülük,  fındıqçılıq,  tərəvəzçilik,  bağçılıq və  maldarlıqdır.

Tarixi  abidələr: Maqov, Yolayrıc, Höytala, Paşan kənd məscidləri.

Kebeloba 

kəndi, rayon mərkəzindən 1 km şimali-qərbdə, Bəkməz çayın  sağ sahilində yerləşir. Şərq tərəfdən  Zaqatala  şəhəri, şimaldan Car  kəndi,  cənubdan Göyəm  kəndi,  cənubi-qərbdən  Qazangül  qəsəbəsi  ilə həmsərhəddir.Kəndin  ərazisindən  Bəkməz  və  Micqar  çayları  axır.

Kəndin ərazisi 496 hektardir. Əhalisi  1412 nəfər, əsasən  avarlardır. Dini  mənsubiyyəti  müsəlman.

Kənd,  RİHB- nın   ərazi İcra nümayəndəsi və Car Bələdiyyəsi tərəfindən   idarə  olunur.

Kənd 5 obadan ibarətdir. Kənddə 1 əsas məktəb, həkim məntəqəsi, klub, 2 kitabxana, məscid, futbol meydançası vardır.

Əhalinin  əsas məşguliyyəti  əkinçilik,   tütünçülük,  fındıqçılıq,  tərəvəzçilik,  bağçılıq və  maldarlıqdır.

Tarixi  abidələr: 1 məscid, 1 qədim  bürc, 1 qədim  qəbristanlıq.

Göyəm 

ərazi  nümayəndəliyi,  rayon mərkəzindən  cənubda, Tala çayın  sağ sahilində yerləşir  və  dörd  kəndi (Göyəm,  Çökək,  Sumaylı,  Dardoqqaz) özündə  birləşdirir.

Nümayəndəliyin  ərazisi 3368,6   hektardir. Əhalisi  4157  (Göyəm-1914,  Çökək-935,  Sumaylı-656,  Dardoqqaz-652) nəfər, əsasən  azərbaycanlılar,  avarlar,  saxurlardır.Dini  mənsubiyyəti  müsəlman.

Ərazi  nümayəndəliyi,  RİHB- nın   ərazi İcra nümayəndəsi və  Göyəm  Bələdiyyəci  tərəfindən   idarə  olunur.

Ərazidə 3 orta məktəb, 1 həkim məntəqəsi,  2  feldşer-mama  məntəqəsi,  1  klub,  4  kitabxana,  2   mədəniyyət evi, 1 körpələr  evi-uşaq baxçası, 4 məscid, 1 futbol meydançası   vardır.

Əhalinin  əsas məşguliyyəti  taxılçılıq,   tütünçülük,  fındıqçılıq,  tərəvəzçilik,  bağçılıq və  maldarlıqdır.

Tarixi  abidələr: 4 məscid,  qədim  qəbristanlıq.

Aşağı  Çardaxlar 

kəndi, rayon mərkəzindən 32 km cənub-qərbdə yerləşir. Şimal  tərəfdən  Balakən  rayonunun  İtitala  kəndi, şimal-şərqdən  Danaçı  kəndi,  cənub-qərbdən isə Alazan çayı boyunca 24 km məsafədə  Gürcüstan Respublikası ilə həmsərhəddir.

Kəndin ərazisi 75  hektardir. Əhalisi  1042  nəfər, əsasən  avarlardir. Dini  mənsubiyyəti  müsəlman.

Kənd,  RİHB- nın   ərazi İcra nümayəndəsi və Aşağı Çardaxlar  Bələdiyyəsi tərəfindən  idarə  olunur.

Kənddə 259  şagird yerlik orta məktəb binası, feldşer-mama  məntəqəsi, kitabxana,  129  yerlik  ATS, məscid binası, futbol meydançası   vardır.

Əhalinin  əsas məşguliyyəti  əkinçilik,   tütünçülük,  fındıqçılıq,  tərəvəzçilik,  bağçılıq və  maldarlıqdır.

Tarixi  abidələr: 1 məscid, 2 təpəcik,  qədim  qəbristanlıq.